"Real"ın baş məşqçisi Karlo Ançelotti komandasının La Liqanın 35-ci turunda "Barselona"ya uduzduqları matç (3:4) haqqında danışıb.
QOL.az xəbər verir ki, mütəxəssis deyib:
"Daha yaxşı müdafiə olunmalı idik. Bugünkü oyunda boşljuqlar xüsusilə aydın görünürdü. Zəif müdafiə olunduq. Rəqibimizə şans verdik və onlar bizi cəzalandırdılar".
Qeyd edək ki, "Barselona" hazırda İspaniya çempionatının turnir cədvəlində 82 xalla liderdir. "Real" isə 75 xalla 2-ci pillədə qərarlaşır.
