Hindistan və Pakistan arasında Kəşmir bölgəsində baş verən son gərginlik, iki nüvə silahına sahib ölkənin qarşıdurmasının nə qədər təhlükəli ola biləcəyini bir daha göstərdi. Aprelin 22-də Hindistanın Kəşmir bölgəsində turistlərə qarşı həyata keçirilən terror aktı nəticəsində 26 nəfər həyatını itirdi. Hindistan bu hücumun arxasında Pakistanın dayandığını iddia edərək, mayın 7-də "Sindoor Əməliyyatı" adı altında Pakistanın Kəşmir bölgəsində yerləşən doqquz hədəfə hava zərbələri endirdi.Bu əməliyyat zamanı Hindistanın Rafale qırıcıları və SCALP raketləri istifadə edildi. Pakistan isə cavab olaraq Hindistanın hava bazalarına qarşı genişmiqyaslı əməliyyatlara başladı və Hindistanın üç Rafale, bir MiG-29 və bir Su-30MKI təyyarəsini vurduğunu iddia etdi [2] .Hərbi ekspert Səxavət Məmmədovun sözlərinə görə, hər iki ölkənin geniş insan resursları və nüvə silahlarına sahib olması, onları regionda təhlükəli rəqiblərə çevirir. Hindistanın Fransız istehsalı olan Rafale qırıcıları, İsraillə birgə istehsal etdiyi dronlar və Rusiyadan aldığı S-400 zenit-raket kompleksləri onun hərbi gücünü artırır. Pakistan isə Çin istehsalı olan JF-17 Thunder qırıcıları və digər müasir silahlarla təchiz olunub. Məmmədov qeyd edir ki, bu qarşıdurmada texnologiyanın rolu böyükdür və hər iki tərəf müasir silahlarla təchiz olunmuşdur.İranın xarici işlər naziri Abbas Əraqçı əvvəlcə Pakistan, sonra isə Hindistanla danışıqlar apararaq ölkəsinin vasitəçiliyini təklif etdi. Tehranın bu fəallığı başa düşüləndir, çünki Hindistan İranın müttəfiqidir. Lakin tərəflər arasında razılaşmaya ABŞ nail oldu. Pakistanın genişmiqyaslı əməliyyata başladığını elan etməsindən bir neçə saat sonra ABŞ hərəkətə keçdi və tərəflər atəşkəsə razılaşdı.Buna baxmayaraq, sərhəddə atəş səsləri yenə eşidilir. Ekspert Zaur Məmmədov hesab edir ki, Kəşmir problemi qaldıqca bu iki ölkənin yenidən üz-üzə gəlməyəcəyini demək mümkün deyil. Nə qədər ki, Kəşmir məsələsi ilə bağlı adekvat və rasional bir həll yolu tapılmayıb, bu münaqişələr və hərbi toqquşmalar davam edəcək.Nəticə olaraq, iki nüvə nəhəngi olan Hindistan və Pakistan arasında baş verən son qarşıdurma davam edərsə, bu, yalnız region üçün deyil, bütün dünya üçün ciddi təhlükə yaradacaq. Məhz bu səbəbdən beynəlxalq ictimaiyyət, xüsusilə də böyük güclər, hər iki ölkəni siyasi dialoqa təşviq etməli və məsələni diplomatik yolla həll etməyə çalışmalıdır. Kəşmir məsələsinə son qoymağın ən ədalətli yolu isə bölgədə referendum keçirilməsi və yerli əhalinin iradəsinin nəzərə alınmasıdır. Çünki silahların susmadığı hər gün dünya bir addım daha təhlükəyə yaxınlaşır.✍"Ulusum".az
Diqqət Çəkənlər
Krımın Ukraynaya verilməsi: Xruşşovun qərarının arxasında gizlənən həqiqət
“Buzlar əriyir?” – ABŞ və Çin danışıqlara start verdi
Ali təhsil müəssisələrinin magistraturalarına qəbul imtahanı keçiriləcək
