Azərbaycan Respublikasının İsveç Krallığındakı səfirliyində Ümummilli Lider Heydər Əliyevin doğumunun 102-ci ildönümünə həsr edilmiş anım mərasimi keçirilib. Tədbirdə səfirliyin əməkdaşları, yerli azərbaycanlı diaspor nümayəndələri və digər qonaqlar iştirak edib.
XəzərNews.az xəbər verir ki,tədbirdə çıxış edən səfir Zaur Əhmədov Ulu Öndər Heydər Əliyevin Azərbaycanın inkişafında və müstəqilliyinin möhkəmlənməsində oynadığı misilsiz rolundan danışıb. Səfir bildirib ki, Heydər Əliyev həm Sovet dövründə, həm də ölkənin müstəqillik illərində xalqına xidmət edərək dövlətin dayanıqlı təməl üzərində qurulmasına nail olub:
“Bu gün Ulu Öndərimizin ruhu şaddır. Çünki onun əsasını qoyduğu siyasət Prezident İlham Əliyev tərəfindən uğurla davam etdirilir. Məhz onun rəhbərliyi ilə ölkəmiz öz torpaqlarını işğaldan azad edərək və ərazi bütövlüyünü bərpa edib”.
Tədbirdə Heydər Əliyevin siyasi fəaliyyətini və tarixi irsini əks etdirən videoçarx nümayiş olunub.
Daha sonra İsveçdə yaşayan tanınmış pianoçu Aynur Məlikova Ulu Öndərin Azərbaycan mədəniyyətinə və musiqisinə verdiyi töhfələri xüsusi qeyd edib.
“Heydər Əliyev Azərbaycan musiqisinin beynəlxalq miqyasda tanınması üçün böyük səy göstərmişdir”, – deyə sənətçi bildirib.
Tədbirin sonunda Aynur Məlikova Üzeyir Hacıbəyli, Qara Qarayev və Fikrət Əmirov kimi klassik bəstəkarların əsərlərindən ibarət konsert proqramı ilə çıxış edib.
Xəbər 4 dəfə oxunub.
XəzərNews.az xəbər verir ki,tədbirdə çıxış edən səfir Zaur Əhmədov Ulu Öndər Heydər Əliyevin Azərbaycanın inkişafında və müstəqilliyinin möhkəmlənməsində oynadığı misilsiz rolundan danışıb. Səfir bildirib ki, Heydər Əliyev həm Sovet dövründə, həm də ölkənin müstəqillik illərində xalqına xidmət edərək dövlətin dayanıqlı təməl üzərində qurulmasına nail olub:
“Bu gün Ulu Öndərimizin ruhu şaddır. Çünki onun əsasını qoyduğu siyasət Prezident İlham Əliyev tərəfindən uğurla davam etdirilir. Məhz onun rəhbərliyi ilə ölkəmiz öz torpaqlarını işğaldan azad edərək və ərazi bütövlüyünü bərpa edib”.
Tədbirdə Heydər Əliyevin siyasi fəaliyyətini və tarixi irsini əks etdirən videoçarx nümayiş olunub.
Daha sonra İsveçdə yaşayan tanınmış pianoçu Aynur Məlikova Ulu Öndərin Azərbaycan mədəniyyətinə və musiqisinə verdiyi töhfələri xüsusi qeyd edib.
“Heydər Əliyev Azərbaycan musiqisinin beynəlxalq miqyasda tanınması üçün böyük səy göstərmişdir”, – deyə sənətçi bildirib.
Tədbirin sonunda Aynur Məlikova Üzeyir Hacıbəyli, Qara Qarayev və Fikrət Əmirov kimi klassik bəstəkarların əsərlərindən ibarət konsert proqramı ilə çıxış edib.
Xəbər 4 dəfə oxunub.
