Rusiya Ukraynanı mənimsəməyə çalışmaqla başqasının yaddaşını mənimsəyir və tarixi təhrif edir.
İnterpress.az xəbər verir ki, bunu Ukrayna prezidenti Volodimir Zelenski deyib.
“Rusiya Ukraynanı mənimsəməyə çalışmaqla başqasının yaddaşını mənimsəyir və tarixi təhrif edir.
Ona görə də təkcə bu gün, Anma və Nasizm üzərində Qələbə Günündə deyil, biz həmişə yadda saxlamalıyıq: ukraynalılar qələbəyə öz böyük töhfələrini veriblər. Qlobal pisliyi öz qanımızla dayandırdıq.
Çünki 8 milyondan çox ukraynalı təkcə sovet ordusunun tərkibində faşizmə qarşı vuruşmayıb. On minlərlə Müttəfiq ordularında, yüz minlərlə üsyançı qruplarda və müqavimət hərəkatlarında vuruşdu.
O müharibədə arxa cəbhəmiz yox idi – bütün torpaqlarımız davamlı cəbhə, döyüş meydanı, açıq yara idi. Hər şəhər, kənd, hər ev, hər ailə əziyyət çəkirdi.
Biz isə bu xatirəni yeni, rus nasizminə vermirik.
Qələbə və əsl xatirə paradları olanlarla deyil, həqiqəti daşıyanlarladır.
Gəlin şərlə mübarizəyə verdiyimiz töhfəyə və yenidən onunla mübarizə apardığımız bu günümüzə hörmətlə yanaşaq”, – Ukrayna prezidenti Tg kanalında yazıb.
Xuraman Etibarlı
İnterpress.az
