İngiltərədə bir pilot sağ solunu qarışdırdığı üçün təyyarənin əyləcləri alışıb.
İngiltərədə 2024-cü ilin iyununda sərnişin təyyarəsinin əyləclərinin alışdığı hadisə ilə bağlı hesabat dərc edilib.
News24.az xəbər verir ki, Qatvikdən Kanadanın Vankuver şəhərinə havaya qalxan "Boeing 777" sərnişin təyyarəsinin ikinci pilotu havaya qalxarkən sağ və sol əllərini qarışdırıb və təyyarənin hərəkətinə cavabdeh olan qolu geri çəkib.
Bu, təyyarənin əyləclərinin işə düşməsinə və uçuşun rədd edilməsinə səbəb olub.
Bu o demək idi ki, təyyarə saatda 305 kilometrdən çox sürətə çatdıqdan sonra pilot uçuş-enmə zolağında “yüksək sürətli təcili dayanma” etməli idi.
Bildirək ki, təyyarənin əyləclərinin alışması nəticəsində təyyarənin göyərtəsində olan 13 ekipaj üzvü və 334 sərnişindən heç biri xəsarət almayıb. Lakin təyyarənin sağ tərəfində baş verən yanğın yanğınsöndürənlər tərəfindən söndürülməli olub.
Onu da qeyd edək ki, bu hadisəyə görə Gatwick hava limanı bir müddət bağlanıb, onlarla təyyarə başqa hava limanlarına yönləndirilməli olub, bəzi reyslər ləğv edilib.
Günel Məlikzadə
