Məlumat təsdiqlənərsə, hadisə “J-10C” qırıcılarının müharibədə daha bir döyüş təyyarəsini vurması kimi ilk dəfə qeydə alınacaq.
Pakistan hökuməti Hindistana məxsus döyüş təyyarələrinin Hindistan ərazisinə hava zərbələri zamanı Çin istehsalı olan “J-10C” qırıcıları tərəfindən vurulduğunu açıqlayıb.
Pakistan baş nazirinin müavini və xarici işlər naziri İshaq Dar dünən parlamentdə keçirdiyi brifinqdə Pakistan Hərbi Hava Qüvvələrinin qarşıdurmalarda Çin istehsalı olan “J-10C” qırıcılarından istifadə etdiyini və bu təyyarələrin 3-ü Fransa istehsalı olan “Rafale” olmaqla 5 Hindistan təyyarəsini vurduğunu bildirib.
ABŞ-ın CNN telekanalına danışan bir fransız kəşfiyyatçı Hindistanın istifadə etdiyi “Rafale” təyyarəsinin Pakistan tərəfindən vurulduğunu təsdiqləyib və başqa bir təyyarənin də eyni vəziyyətdə olub-olmadığını araşdırdıqlarını bildirib.
Digər tərəfdən Hindistan mediası ölkənin Pəncab əyalətində Çin istehsalı olan "J-10C" döyüş təyyarələrində istifadə edilən "PL-15E" raketlərinin qalıqlarının tapıldığını bildirib. Xəbər saytlarında raket qalıqları olduğu iddia edilən fotolar yayılıb.
Əgər təsdiqlənsə, bu, “J-10C” qırıcılarının döyüşdə hər hansı bir ilk dəfə təyyarəni vurması kimi qeydə düşəcək. “Rafale” qırıcıları da havada ilk dəfə vurulur.
***
Çinin “Chengdi Aircraft Industry Group” tərəfindən istehsal edilən "J-10" tək mühərrikli, çoxməqsədli döyüş təyyarələri kimi istifadə olunur.
2003-cü ildən Çin Hərbi Hava Qüvvələrində istifadə edilən 4-cü nəsil döyüş təyyarəsinin təkmil versiyası olan “J-10C” daha yaxşı mühərriklər və elektron skan edilmiş aktiv massiv (AESA) radarı ilə inkişaf etdirildiyi üçün 4-cü və 5-ci nəsil döyüş təyyarəsi adlanır.
“J-10C” döyüş təyyarələrində istifadə edilən “PL-15” raketləri bərk yanacaqla işləyən ikiqat təkanlı raket mühərrikindən istifadə edir. 300 kilometr məsafədə səsdən 5 qat sürətlə hərəkət edə bilən raketlər AESA radarları ilə idarə olunur. “PL-15E” raketlərinin ixrac versiyası daha zəif mühərrikə və daha qısa məsafəyə malikdir.
Çindən başqa “J-10C” döyüş təyyarələrindən yalnız Pakistan istifadə edir. Pakistan Hərbi Hava Qüvvələri 2020-ci ildə təyyarənin ixrac modeli olan 36 ədəd “J-10CE” qırıcısı və 250 ədəd “PL-15E” raketi sifariş edib.
Pakistanın sifariş etdiyi təyyarələrdən ilk 6-sı 2022-ci ildə təhvil verildiyi halda, bu günə qədər 20 təyyarə Pakistan Hərbi Hava Qüvvələrinin xidmətinə daxil olub.
Pakistandan başqa Misirin də “J-10C” döyüş təyyarələri ilə maraqlandığı, Özbəkistanın isə hərbi hava qüvvələrini yeniləmək planı çərçivəsində “Rafale” və “J-10C” təyyarələri arasında seçim prosesində olduğu bildirilib.
