UEFA Çempionlar Liqasının yarımfinal mərhələsinin cavab qarşılaşmasının - PSJ - "Arsenal" oyununun (2:1) ən yaxşı futbolçusu açıqlanıb.
Fanat.Az xəbər verir ki, UEFA səfərdə məğlub etdiyi İngiltərə nəhəngini (1:0) öz meydanında da yenən Paris təmsilçisinin sağ cinah müdafiəçisi Əşrəf Hakimini fərqləndirib.
Matçın 72-ci dəqiqəsində komandasının 2-ci qolunu vuran mərakeşli oyunçu bu qarşılaşmada 4 seyvlə yadda qalan komanda yoldaşı Canluici Donnarummanı qabaqlayıb.
Xatırladaq ki, "Arsenal"ı məğlub edən PSJ finalda "İnter"lə üz-üzə gələcək. Həlledici qarşılaşma mayın 31-də Almaniyanın Münhen şəhərindəki "Alyans Arena"da keçiriləcək.
Nihat
