Sibirin Barnaul, Qorno-Altaysk, Kemerovo, Krasnoyarsk, Novokuznetsk, Novosibirsk, Norilsk, Omsk və Tomsk şəhərlərinin hava limanlarında Moskvadan gələn təyyarələrin gecikməsi səbəbindən bir sıra reyslər təxirə salınıb.
BAKU.WS xəbər verir ki, bu barədə Qərbi Sibir Nəqliyyat Prokurorluğu məlumat yayıb.
Ümumilikdə 2 440 nəfər sərnişin uçuşlarını gözləyir.
Barnaul hava limanında "Sibir" və "Ural Hava Yolları" aviaşirkətlərinin Moskva reysləri gecikib. Burada 300-dən çox sərnişin reysin icrasını gözləyir.
Qorno-Altaysk hava limanında "Aeroflot" və "Sibir" aviaşirkətlərinin Moskva reysləri təxirə salınıb. Hazırda 250 sərnişin təyyarəyə minməni gözləyir.
Kemerovo hava limanında da "Aeroflot" və "Sibir" aviaşirkətlərinin Moskva reysləri gecikir. Gözləyən sərnişinlərin sayı 350-dən çoxdur.
Krasnoyarsk hava limanında "Aeroflot" aviaşirkətinin reysi təxirə salınıb. 180-dən çox sərnişin gözləyir.
Novosibirsk hava limanında "Aeroflot", "Sibir" və "Pobeda" aviaşirkətlərinin Moskva, Norilsk və İstanbul (Türkiyə) istiqamətində olan reysləri gecikir. 700-dən çox sərnişin gözləmədədir.
Norilsk hava limanında "Sibir" aviaşirkətinin Moskva və Krasnoyarska uçuşları təxirə salınıb. Uçuşu gözləyən sərnişinlərin sayı 360-dan çoxdur, aralarında uşaqlar da var.
Omsk hava limanında "Ural Hava Yolları" və "Aeroflot" aviaşirkətlərinin Moskva istiqamətində reysləri gecikir. 300-dən çox sərnişin, o cümlədən 26 uşaq gözləmə zonasında qalır.
Barnaul, Qorno-Altaysk, Kemerovo, Krasnoyarsk, Novosibirsk, Norilsk və Omsk nəqliyyat prokurorluqları sərnişinlərin reys gecikməsi zamanı almağa haqqı olan xidmətlərin təmin edilməsinə nəzarət tədbirləri həyata keçirir.
