Tramp mətbuat konfransı ELAN ETDİ - İki ölkə arasında...
Ajans.az xəbər verir ki, bu barədə “The New York Times” öz mənbələrinə istinadən yazıb. Qeyd olunur ki, belə bir razılaşma tariflərin tətbiqindən sonra Vaşinqton üçün açıq şəkildə bağlanan ilk saziş olacaq. "Saat 10:00-da Oval Ofisdə böyük, hörmətli bir ölkə ilə böyük ticarət müqaviləsini müzakirə etmək üçün böyük bir mətbuat konfransı olacaq. Bu, bir çox görüşlərdən birincisidir" , - deyə bildirilib. Ağ Ev Trampın mətbuat konfransı ilə bağlı dediklərini şərh etməkdən imtina edib. Böyük Britaniyanın Vaşinqtondakı səfirliyi də Amerika prezidentinin bəyanatlarına münasibət bildirmək istəyinə cavab verməyib. Bir gün əvvəl “Bloomberg” Avropa İttifaqının 100 milyard avro dəyərində Amerika mallarına rüsum tətbiq etməyə hazır olduğunu bildirmişdi. Bununla belə, belə bir qərar yalnız o halda veriləcək ki, Vaşinqtonla ticarət əlaqələri üzrə danışıqlar nəticəsiz qalsın və ABŞ Aİ-yə vəd etdiyi böyük tarifləri tətbiq etsin. Xatırladaq ki, Trampın tətbiq etdiyi tariflər 2008-ci il böhranı ilə müqayisədə beynəlxalq bazarların daha ciddi çökməsinə səbəb olub.
