Ötən gecə UEFA Çempionlar Liqasının 2024/25 mövsümünün ikinci finalçısı müəyyənləşib.
Publika.az xəbər verir ki, PSJ nüfuzlu kubok uğrunda görüşdə "İnter"in rəqibi olacaq. Həlledici matç mayın 31-də Münhendəki "Allyans Arena"da baş tutacaq.
Maraqlı bir təfərrüat var. Münhendə keçirilən Çempionlar Liqası/Avropa Kubokunun əvvəlki dörd finalının hamısında qalib gələn komanda tarixində ilk dəfə turnirin qalibi olub. Bu, 1979-cu ildə “Nottingem Forest”in qalib gəldiyi, 1993-cü ildə “Marsel”in kuboku qaldırdığı, 1997-ci ildə “Borussiya Dortmund”un uğurunu qeyd etdiyi və 2012-ci ildə “Çelsi”nin zəfər yaşadığı zaman belə olub.
Milanın təmsilçisi üçqat Avropa Kuboku/Çempionlar Liqasının qalibidir, lakin PSJ heç vaxt əsas avrokubok turnirini qazanmayıb.
