Ukraynanın maliyyə naziri Sergey Marçenko bildirib ki, Kiyev Qərb ölkələrinə olan borclarını yaxın 30 il ərzində qaytarmayacaq.
APA xəbər verir ki, bu barədə o, “Rada” telekanalının efirində çıxışı zamanı deyib.
Nazirin sözlərinə görə, müharibəyə qədər Ukraynanın borcunun ÜDM-ə nisbəti 55% təşkil edirdisə, hazırda bu göstərici 100%-ə yaxınlaşır.
“Qeyd etməliyəm ki, bu borcun böyük hissəsi müharibə dövründə artıb. Yəni, söhbət ondan gedir ki, biz bu borcları şərti olaraq yaxın 30 ildə qaytarmayacağıq”, – deyə Marçenko vurğulayıb.
