…2025 Toyota Corolla seriyası yeni məhdud sayda FX Edition ilə genişləndirildi. İdman versiyası 80-ci illərin üslubunda hazırlanmışdır.
SİA-nın məlumatına görə, yeni məhsulun təfərrüatları Toyota-nın rəsmi saytında açıqlanıb.Avtomobil 1987-ci ilin Toyota Corolla FX hetçbekinə bir növ hörmətdir.
Bu Corollalardan cəmi 1600 ədəd hazırlanacaq və onları narıncı, ağ və ya mavi rənglərdə sifariş etmək olar.
Məşhur əcdadı kimi, yeni Toyota Corolla FX Edition yalnız hetçbek kuzov üslubunda mövcuddur.
Avtomobil 18 düymlük ağ yüngül lehimli disklər və böyüdülmüş spoyler alıb, kuzovundakı parlaq qara dekorasiya da diqqəti cəlb edir.
Daxili bəzək indi kontrastlı narıncı tikişlərlə süetdən ibarətdir. Bundan əlavə, Toyota Corolla FX Edition idman oturacaqları alıb, hetçbekin avadanlığına isə rəqəmsal alətlər toplusu, klimat-kontrol, kamera, smartfonlar üçün simsiz enerji doldurma və təhlükəsizlik sistemləri dəsti daxildir.
Toyota Corolla FX Edition hetçbeki yalnız 173 at gücü hasil edən 2,0 litrlik benzin mühərriki ilə mövcuddur və variator. Orta yanacaq sərfiyyatı 7,1 l/100 km-dir.
Avtomobilin asması və sükanı yenidən konfiqurasiya edilib, yerin klirensi bir qədər azaldılıb.
Nazlı Almuradova
