“Qalatasaray” klubunun və Türkiyə millisinin keçmiş futbolçusu Ümit Karanın həbs olunması ilə bağlı məlumat yayılıb.
Yeniavaz.com “Sabah” qəzetinə istinadla xəbər verir ki, ona qarşı cinsi zorakılıq maddəsi ilə 5 ilə qədər həbs cəzası tələbi ilə iddia qaldırılıb.
Mətbuat orqanı yazır ki, Bakırköy 37-ci Cəza Məhkəməsi dəlil olmadığı üçün Karan barəsində bəraət hökmü çıxarsa da, iddiaçı tərəfin vəkili hökmə etiraz edib və iş apellyasiya məhkəməsinə verilib.
"İstanbul Regional Ədliyyə Məhkəməsinin 20-ci Cəza Dairəsi bəraət hökmünü ləğv edərək, Karanı 1 il 8 ay həbs cəzasına məhkum edib.
Etirazdan sonra iş Ali Məhkəməyə göndərilib. Ali Məhkəmənin 9-cu Cəza Dairəsi Ümit Karana verilən 1 il 8 ay həbs cəzasını təsdiqləyib.
Karan təsdiqlənmiş cəzası çərçivəsində Bakırköy Ədliyyəsinə gedib və cəzası təsdiqlənərək, Metris Həbsxanasına göndərilib", - "Sabah"ın məlumatında qeyd olunur.
