BAKI, 7 may. TELEQRAF
“Qəzzadakı vəziyyətə dair həll yollarının tapılmasının vacibliyi barədə razılığa gəldik”.
Teleqraf xəbər verir ki, bu barədə xarici işlər naziri Ceyhun Bayramov iraqlı həmkarı Fuad Hüseynlə bu gün Bağdadda keçirdiyi mətbuat konfrasında bildirib.
Azərbaycan XİN rəhbəri deyib ki, aparılan danışıqlar zamanı humanitar məsələlər, o cümlədən qaçqınların geri qayıdışı, Suriya və Qəzza zolağında davam edən humanitar böhranlar da müzakirə olunub.
“Azərbaycan regional münaqişələrin diplomatik yolla həllini dəstəklədiyir”,- o vurğulayıb.
