Rusiyanın paytaxtı Moskvada Qələbənin 80-ci ildönümü ilə bağlı keçirilən tədbirlərin təhlükəsizliyini təmin etmək üçün mayın 7-dən 9-dək internetə məhdudiyyətlər qoyulacaq.
Yeniavaz.com TASS-a istinadla xəbər verir ki, bunu Rusiya Prezidentinin mətbuat katibi Dmitri Peskov da təsdiqləyib.
O, bayram günlərində mobil rabitənin “təhlükəli qonşuluq” səbəbindən məhdudlaşdırılacağını bildirib.
Peskov bayram günlərində mobil internetə qoyulan bu məhdudiyyətləri anlayışla qarşılamağa çağırıb.
“Bunlar nasazlıqlar deyil. Bunlar məhdudiyyətlərdir. Məlum səbəblərə görə. Təbii ki, buna mütləq anlayışla yanaşmaq lazımdır”, - deyə Rusiya prezidentinin mətbuat katibi jurnalistlərə bildirib.
O, həmçinin qeyd edib ki, artıq bu məsələ ilə bağlı bütün lazımi dəqiqləşdirmələr aparılıb.
