Müəllif: Tamara Mustafayeva, Banco.az
Almaniyada fabrik və zavod sifarişləri mart ayında aylıq 3,6 faiz artıb.
Banco.az xəbər verir ki, Almaniyadan gələn son məlumatlar istehsalatda müsbət mənzərəyə işarə edir.
Almaniya Federal Statistika İdarəsinin (Destatis) dərc etdiyi məlumatlara görə, fabrik-zavod sifarişləri mart ayında aylıq 3,6 faiz artıb.
“Bloomberg” tərəfindən keçirilən sorğuda isə iqtisadçıların gözləntisi sifarişlərin 1,3 faiz artacağı yönündə idi.
Sifarişlərdəki bu artıma nəqliyyat avadanlıqları, maşınqayırma, avtomobil və dərman sifarişləri mühüm töhfə verib.
Böyük sifarişlər istisna olmaqla isə sifarişlərin 0,5 faiz artdığı bildirilib.
Bu məlumatlar Almaniyanın sənaye vəziyyətinin 2022-ci ildə Rusiyanın Ukraynanı işğal etməsindən sonra başlayan uzunmüddətli durğunluq dövründən sonra sabitləşməyə başladığını göstərən sübutlar təqdim edir.
Lakin bu mənzərə ABŞ Prezidenti Donald Trampın açıqladığı gömrük rüsumlarından sonra hələ də qeyri-müəyyən olaraq qalır.
Bizi sosial şəbəkələrdən izləyin!!
