"Qalatasaray"dan icarəyə götürülən "Fiorentina"nın yarımmüdafiəçisi Nikolo Zaniolo yay transfer pəncərəsində Türkiyə klubuna qayıdacaq.
Publika.az xəbər verir ki, bu barədə insayder Nikolo Şira məlumat yayıb.
Mənbənin sözlərinə görə, Florensiya klubu 25 yaşlı italiyalının çıxışından narazıdır. Buna görə onun müqaviləsindəki transfer bəndi aktivləşdirilməyəcək.
"Fiorentina" fevralda Zaniolonu mövsümün sonuna kimi icarəyə götürüb. O, 12 matçda qol vura bilməyib. İtaliya millisinin üzvü mövsümün ilk yarısında "Atalanta"da icarə əsasında çıxış edib.
