Finss.az - Azərbaycan Mərkəzi Bankı, 2025-ci ilin birinci rübü ərzində ölkədə fəaliyyət göstərən banklar tərəfindən sənaye və nəqliyyat sektorlarına verilmiş biznes kreditlərinin həcmini açıqlayıb.
Məlumata görə, cari ilin ilk rübündə banklar ölkənin sənaye sektoruna ümumilikdə 2 milyard 689 milyon manat kredit ayırıblar ki, bu da ötən ilin eyni dövrü ilə müqayisədə 30 milyon manat və ya 1,1 faiz artım göstərir.
Eyni dövrdə yerli banklar tərəfindən nəqliyyat sektoruna verilmiş biznes kreditləri isə 1 milyard 478 milyon manat təşkil edib. Bu göstərici, ötən ilin müvafiq dövrü ilə müqayisədə 203 milyon manat və ya 15,9 faiz artmışdır.
Azərbaycan Mərkəzi Bankının verdiyi məlumata görə, 2025-ci ilin aprelin 1-nə qədər ölkədə fəaliyyət göstərən bankların ümumi biznes kredit portfeli 14 milyard 935 milyon manat təşkil edib. Bu, ötən ilin eyni dövrü ilə müqayisədə 1 milyard 700 milyon manat və ya 13,1 faiz artım deməkdir.
