Finss.az - Azərbaycan Mərkəzi Bankının sədrinin müşaviri Ziya Zəfər oğlu Əliyev Qara Dəniz Ticarət və İnkişaf Bankının vitse-prezidenti vəzifəsinə təyin olunub.
Bu barədə Ziya Əliyev özü ictimaiyyətə məlumat verib. Yeni təyinatla o, beynəlxalq maliyyə institutlarından biri olan Qara Dəniz Ticarət və İnkişaf Bankında yüksək vəzifə tutacaq.
Qeyd edək ki, Ziya Əliyev 2025-ci ilin fevral ayının 3-dən etibarən Azərbaycan Mərkəzi Bankının sədrinin müşaviri vəzifəsində çalışırdı.
Ziya Əliyev haqqında qısa məlumat:
-
Anadan olub: 1977-ci il, Masallı rayonu
-
Təhsili:
-
1998-ci il – Azərbaycan Dövlət İqtisad İnstitutu, “Maliyyə və kredit” ixtisası üzrə bakalavr
-
2000-ci il – Azərbaycan Dövlət İqtisad Universiteti, eyni ixtisas üzrə magistr (fərqlənmə diplomu)
-
2010-cu il – ABŞ-ın Villiams Kollecində “İqtisadi siyasət” üzrə magistr
-
-
Əmək fəaliyyəti:
-
2000-ci ildən Mərkəzi Bankda müxtəlif vəzifələrdə çalışıb – baş iqtisadçı, şöbə rəisi, departament direktoru müavini və s.
-
2013–2025-ci illər – Mərkəzi Bankın baş direktoru
-
2025-ci ilin fevralından – Mərkəzi Bank sədrinin müşaviri
-
-
Təltif: 2012-ci ildə “Tərəqqi” medalı
-
Ailə vəziyyəti: Ailəlidir, 2 övladı var
Ziya Əliyevin yeni vəzifəsi Azərbaycanın beynəlxalq maliyyə institutlarında təmsilçiliyinin güclənməsinə töhfə verəcək.
