Vətəninfo.az xəbər verir ki, İran Mülki Aviasiya Təşkilatının sədr müavini Seyid Həmidrza Sanei Təbriz və Urmiyadan Bakıya birbaşa uçuşların planlaşdırıldığını açıqlayıb.
Onun sözlərinə görə, hazırda İran və Azərbaycan aviaşirkətləri tərəfindən Tehrandan Bakıya birbaşa uçuşlar həyata keçirilir.
“Biz hazırda texniki tədbirlər görürük. Sərnişin uçuşlarını həyata keçirə biləcək aviaşirkətləri araşdırırıq. “Iran Air” şirkətinin bu uçuşlar üçün lazımi imkanları yoxdur, ona görə də digər şirkətlərin imkanlarından istifadə etmək qərarına gəldik”, – deyə, İran rəsmisi bildirib.
