Azərbaycan millisinin futbolçusu Mahir Emrelinin Almaniyanın “Nürnberq” klubundakı taleyinə aydınlıq gəlib.
İdman.biz xəbər verir ki, bunu 2-ci Bundesliqa klubunun mətbuat xidməti açıqlayıb.
27 yaşlı hücumçu ilə yayda başa çatacaq müqavilə uzadılmayacaq. Bununla bağlı klub və forvard arasında razılıq əldə olunub.
Qeyd edək ki, Mahir ötən ilin yayında Zaqreb “Dinamo”sundan “Nürnberq”ə keçib. O, çempionatda 22 oyunda 7 qol və 1 assistə imza atıb.
İdman.biz
