Bakı, 6 may, AZƏRTAC
Türkiyənin “Qalatasaray” komandası futbolçusu Kaan Ayhanla yeni müqavilə imzalayıb.
AZƏRTAC klubun rəsmi saytına istinadən xəbər verir ki, 30 yaşlı oyunçu ilə sözləşmənin müddəti daha 1 il uzadılıb. Yeni anlaşmaya əsasən, təcrübəli müdafiəçi 2027-ci ilin yayınadək İstanbul təmsilçisinin formasını geyinəcək.
Kaan Ayhan “Qalatasaray”ın heyətində 93 matçda 2 qol və 6 məhsuldar ötürmə ilə yadda qalıb.
