"Panatinaikos" basketbol klubunun prezidenti Dimitras Yannakopulos 100 min avro cərimələnib.
İdman.biz xəbər verir ki, bu barədə Avroliqanın İntizam Komitəsi qərar çıxarıb.
O, pley-offun "Anadolu Efes"lə keçirilən 4-cü qarşılaşmasından sonra turnirin rəhbərliyi tənqid etmişdi. Dimitras Yannakopulos təşkilatı mafiya adlandırmışdı. O, Avroliqanın prezidenti Deyan Bodiroqa və Hakimlər Komitəsinin sədri Daniel Xierresuelonu 5-ci oyuna baxmağa dəvət edib.
Qeyd edək ki, 4 görüşdən sonra seriyada hesab bərabərdir. Sabah Yunanıstanda komandalar arasında həlledici matç keçiriləcək.
İdman.biz
