İ.Hüseynlinin sözlərinə görə, əgər piyada keçidi olmayan yerdən keçibsə belə, sürücünün burada məsuliyyət məsələləri var: “Sürücünün yol hərəkəti qaydalarına necə əməl etdiyi də mütləq araşdırılır. Burada sürət həddinə riayət edilib-edilməməsi, nəqliyyat vasitəsinin texniki vəziyyəti və hadisə zamanı sürücünün əyləcdən düzgün istifadə edib-etmədiyi önəmli amillər sırasındadır. Avtomobilin hansı məsafədə dayana bildiyi, əyləc sisteminin funksionallığı, sürüşmə məsafəsi və digər texniki göstəricilər avtotexniki ekspertiza vasitəsilə müəyyən olunur. Bütün bu məsələlər sürücünün xeyrinədirsə, o zaman belə qənaətə gəlmək olar ki, o, yalnız inzibati xətaya görə məsuliyyət daşıyır. Lakin əgər sürücü sürət həddini aşmış, piyadanı keçid zolağında vurmuş və ya hadisə zamanı özü alkoqol və ya narkotik maddələrin təsiri altında olmuşsa, bu halda cinayət məsuliyyəti yaranır. Əgər belə bir hadisə insanın ölümünə səbəb olubsa, bu, artıq cinayət məsuliyyəti sayılır və ölüm faktına görə sürücü qanunvericilikdə nəzərdə tutulan cinayət əməlinin cəzasını almalıdır”. Sevinc İbrahimzadə / Metbuat.az
