"Qusar rayon Mərkəzi Xəstəxanası" Publik Hüquqi Şəxs cərimələnib.
Paralel.az Qaynarinfo-ya istinadən xəbər verir ki, Fövqəladə Hallar Nazirliyi tərəfindən xəstəxana rəhbərliyi barəsində İnzibati Xətalar Məcəlləsinin 518.1- ci maddəsi ilə protokol tərtib edilib və iş baxılması üçün Qusar Rayon Məhkəməsinə göndərilib.
Aparılan yoxlama zamanı xəstəxanada daxili yanğın su kanallarının nasaz vəziyyətdə olduğu, avtomatik yanğın xəbərverici siqnalizasiya qurğularının işlək vəziyyətdə olmadığı, xəstəxanada ağır xəstələrin (reanimasiya şöbəsi) binanın 1-ci mərtəbəsində yox, 4-cü mərtəbəsində yerləşdirildiyi və oksigen balonlarının binanın zirzəmisində saxlandığı aşkar olunub.
Məhkəmənin qərarı ilə Qusar rayon Mərkəzi Xəstəxanasının direktoru Kamil Hacıyev Əkbər oğlu 350 manat məbləğində cərimə edilib. Sözügedən pozuntuların aradan qaldırılması üçün vaxt verilib.
