34-cü dəfə Almaniya Bundesliqasının qalibi olan "Bavariya"nın futbolçusu Tomas Müllerin də titullarının sayı artıb.
QOL.az xəbər verir ki, bu çempionluq almaniyalı yarımmüdafiəçinin 35-ci titulu olub.
Müller "Bavariya” tarixində həm ən çox titul qazanan, həm də ən çox oyun keçirən futbolçudur. 35 yaşlı futbolçunun aktivində 749 matç var.
Qeyd edək ki, yayda Münhen klubundan ayrılacağını açıqlayan Müller bu mövsüm Bundesliqada 28 oyunda 1 qol vurub və 4 məhsuldar ötürmə edib.
