Macarıstan və İsveçrə ABŞ və Rusiyanın iştirakı ilə Ukraynadakı münaqişə ilə bağlı sülh danışıqlarının aparılmasının tərəfdarıdır.
Bu barədə Macarıstanın xarici işlər və xarici iqtisadi əlaqələr naziri Peter Siyarto Berndə isveçrəli həmkarı İqnazio Kassis ilə görüşdən sonra bildirib.
MTI agentliyi Macarıstan nazirinin sözlərindən sitat gətirib: "Hər ikimizə aydındır ki, [Ukrayna böhranının] həlli döyüş meydanında tapıla bilməz. Yalnız danışıqlar münaqişəyə son qoya bilər və yalnız bütün qarşıdurma tərəflərin təmsil olunduğu danışıqlar məna verə bilər" .
Budapeşt və Bern hesab edir ki, Ukraynadakı münaqişənin sülh yolu ilə həllinə yalnız diplomatik yollarla nail olmaq olar.
