UEFA Çempionlar Liqasının yarımfinal mərhələsinin "İnter" - "Barselona" cavab oyununa baş hakim təyinatını açıqlayıb.
"Unikal" xəbər verir ki, bu barədə UEFA-nın mətbuat xidməti məlumat yayıb.
Qarşılaşmanı polşalı hakim Şimon Marçiniakın rəhbərlik etdiyi hakimlər briqadası idarə edəcək. VAR sisteminin işi Hollandiya təmsilçisi Dennis Haqlerə həvalə olunub.
"İnter" - "Barselona" oyunu mayın 6-da Milanın "Cüzeppe Meatsa" stadionunda, Bakı vaxtı ilə saat 23:00-da baş tutacaq.
Xatırladaq ki, komandalar arasında ilk görüş 3:3 hesablı bərabərliklə başa çatıb.
Ağarza Elçinoğlu
