Tayvan dolları son iki ilin ən yüksək səviyyəsinə qalxıb.
Publika.az xəbər verir ki, bu barədə "Bloomberg" məlumat yayıb.
Tayvanın valyutası ardıcıl altıncı ticarət sessiyasında bahalaşıb. Tayvan dolları bazar ertəsi günü 4,5 faiz bahalaşaraq 1988-ci ildən bəri ən böyük sıçrayışla dollara nisbətdə 29,672 səviyyəsinə çatıb.
Ekspertlər bildirirlər ki, bu artım Tayvanın ABŞ Prezidenti Donald Tramp administrasiyası ilə tarif sazişi üzrə danışıqlar apardığı bir vaxtda ABŞ dollarının yerli olaraq yenidən balanslaşdırılması ilə bağlıdır.
