Nikaraqua xarici işlər naziri Valdrak Jentske ölkənin Birləşmiş Millətlər Təşkilatının Təhsil, Elm və Mədəniyyət Təşkilatından (UNESCO) çıxdığını elan edib...
Poliqon xəbər verir ki, belə bir qərarın verilməsinə səbəb təşkilatın ölkə hakimiyyətinin zorakılığı dəstəkləyən və eyni zamanda ABŞ-nin Nikaraqua işlərinə müdaxilə siyasətini təbliğ edən nəşr hesab etdiyi “La Prensa” qəzetinə mükafat verməsi olub.
Xarici İşlər Nazirliyinin rəhbərinin sözlərinə görə, nəşr Nikaraquaya “xəyanət edir” və YUNESKO-nun hərəkətləri “milli Nikaraqua mədəniyyətinin dəyərlərinə və şəxsiyyətinə” hücumdur.
Qeyd edilir ki, mayın 3-də təşkilat UNESCO/Quillermo Kano Dünya Mətbuat Azadlığı Mükafatını “La Prensa ilə təltif edib.
“Qəzet Nikaraqua xalqına həqiqəti çatdırmaq səylərində cəsarət nümayiş etdirdi. Digər vətəndaş cəmiyyəti təşkilatları kimi, o da amansız repressiyalarla üzləşdi. Mühacirətə göndərilən bu qəzet mətbuat azadlığının alovunu cəsarətlə yandırmağa davam edir”, deyə jüri sədri Yasuomi Sava mükafatı açıqlayarkən deyib.
Poliqon.info
