Pakistanın təşkilatdakı daimi nümayəndəsi Asim İftixar Əhməd bəyanatla çıxış edəcək.
BMT Təhlükəsizlik Şurası Hindistan və Pakistan arasında artan gərginliyə görə mayın 5-də qapalı məsləhətləşmələr şəklində görüşəcək.
Operativ Media xəbər verir ki, bu barədə TASS nəşri məlumat yayıb.
"Pakistan rəsmi olaraq BMT Təhlükəsizlik Şurasında fövqəladə qapalı məsləhətləşmələr tələb edib. Pakistanın BMT-dəki daimi nümayəndəsi Asim İftixar Əhməd iclasdan sonra jurnalistlərə açıqlama verəcək", - Daimi Nümayəndəlik vurğulayıb.
