.jpg)
BAKI, 4 may. TELEQRAF
Rusiya 9 mayda təxribatlar törədə bilər, çünki bu, onun tərzidir.
Teleqraf “Unian”a istinadən xəbər verir ki, bunu Ukrayna Prezidenti Volodimir Zelenski Çex Respublikasından olan həmkarı Petr Pavel ilə birgə mətbuat konfransında bildirib.
O vurğulayıb ki, ruslara inam yoxdur, çünki onlar dəfələrlə həm Kiyevə, həm də ABŞ-yə verdikləri vədləri pozublar.
"Məsələn, bu günlərdə Rusiya müvəqqəti atəşkəs barədə danışır, lakin hazırda hücumların sayı son ayların ən yüksək göstəricisidir", - dövlət başçısı qeyd edib.
Prezidentin sözlərinə görə, təkcə 3 may tarixində ruslar 200-dən çox hücum həyata keçiriblər.
"Bir sözlə, inam yoxdur, təxribatlar ola bilər, lakin bu ruslardan asılıdır, ona görə də əgər kimsə hələ də onlara inanırsa, qoy bunu öz üzərində sınasın", - Zelenski vurğulayıb.
