"Kral klubu"nun türkiyəli gənc futbolçusu İspaniya La Liqasının 34-cü turunda möhtəşəm performansı ilə diqqət çəkib.
Ölkə.Az xəbər verir ki, doğma meydanda "Selta Viqo"nu qəbul edən madridlilər rəqibi məğlub edib.
Qarşılaşmada hesabı 33-cü dəqiqədə Arda Güler açıb. Kilian Mbappe 39 və 48-ci dəqiqələrdə fərqlənməklə dubla imza atıb. "Real Madrid"in forvardının ikinci qolunun məhsuldar ötürməsini Arda Güler yerinə yetirib.
Qonaqlar isə 69 və 76-cı dəqiqələrdə fərqləniblər.
Xallarını 75-ə çatdıran "Real Madrid" birinci pillədəki "Barselona"dan dörd xal geri qalır.
