"İnter Mayami" MLS-də növbəti oyununu keçirib.
Fanat.Az xəbər verir ki, 11-ci tur çərçivəsində "Nyu York Red Bulls"la qarşılaşan Mayami təmsilçisi böyük hesablı qələbə qazanıb - 4:1.
Matçda son nöqtəni Argentina millisinin ulduz hücumçusu Lionel Messi qoyub. O, 67-ci dəqiqəsində qol vuraraq hesabı 4:1-ə çatdırıb.
Bununla da Messi qol həsrətinə son qoyub. O, aprelin 10-dan bəri ilk qoluna imza atıb. 37 yaşlı forvard bundan əvvəlki 4 oyunda fərqlənə bilməmişdi.
Lionel Messi bu mövsüm bütün yarışlarda keçirdiyi 14 matçda 9-cu qoluna imza atıb. "Qızıl top"un səkkizqat qalibinin hesabında 3 məhsuldar ötürmə də var.
