BAKI. 3 may. TELEQRAF
Aktyor Jerar Depardye cinsi qısnama iddialarına baxmayaraq, yeni filmə çəkilir.
Teleqraf xəbər verir ki, bu barədə "BFM.TV" kanalı məlumat yayıb .
Məlumata görə, 76 yaşlı aktyor hazırda Azor adalarında Fanni Ardantın filminə çəkilir.
Cinsi təcavüzdə ittiham olunan Depardyenin artıq kino aləmindən kənarlaşdırıldığı vurğulanırdı.
Bundan əvvəl Depardye vergi fırıldaqçılığı ilə məşğul olub .
Aktyor Jerar Depardye 2013-cü ilin yanvarın əvvəlində Rusiya vətəndaşlığını qəbul edib. Müvafiq sərəncamı Rusiya prezidenti Vladimir Putin imzalayıb .
2024-cü ildə Paris prokurorluğu aktrisa Şarlotta Arnula və daha 12 qadın tərəfindən cinsi təcavüzdə ittiham olunan aktyora qarşı istintaq başlatmışdı. 50 fransız mədəniyyət xadimi Depardyenin müdafiəsinə qalxmışdı.
