Rusiya prezidenti Vladimir Putin haqqında hazırlanmış yeni sənədli filmdə Kremlin lideri maraqlı etiraflarla çıxış edib.
KONKRET.az musavat.com-a istinadən xəbər verir ki, 4 may tarixində yayımlanacağı gözlənilən film Rusiyanın “Rossiya-1” kanalında təqdim ediləcək.
Film Kremlə rəhbərliyinin 25 illiyinə həsr olunub və orada Putinin şəxsi həyatı, siyasi karyerası və dünyaca məşhur qonaqları barədə açıqlamaları yer alıb.
Putin bildirib ki, onun Sankt-Peterburq şəhərində yerləşən şəxsi mənzilində ABŞ prezidenti də qonaq olub. Əvvəlcə təəccüb doğuran bu açıqlamanın ardınca məlum olub ki, söhbət Bill Klintondan gedir.
Putin deyib: “Mənim Peterburqdakı evimdə ABŞ prezidenti də olub. O zaman bizim münasibətlərimiz indikindən daha fərqli idi”.
Bu açıqlama, Qərb-Rusiya münasibətlərinin kəskin gərgin olduğu bir dövrdə, Putinin keçmişə nostalji ilə yanaşdığını da göstərir.
