2025-ci ildə 20-dən çox müasir təyyarə donanmaya əlavə olunacaq.
“İki sahil” xəbər verir ki, bunu AZAL-ın Daxili və xarici kommunikasiyalar şöbəsinin rəhbəri Fərid Hüseynov Medianın İnkişafı Agentliyinin təşkilatçılığı ilə baş tutan “İctimai proseslər media müstəvisində” mövzusunda 2-ci Forumun “Nəqliyyat infrastrukturunda davamlı həllər media müstəvisində” adlı panel sessiyasında çıxışı zamanı deyib.
"2024-cü ildə 63 istiqamətdə 4 milyondan çox sərnişinə xidmət göstərib. Bu rekord göstəricidir.
2025-ci ildə 20-dən çox müasir təyyarənin donanmaya əlavə olunması nəzərdə tutulur", - o qeyd edib.
F.Hüseynov əlavə edib ki, bütün aviaşirkətlərdə olduğu kimi, AZAL-da da müəyən gecikmə və yubanma halları olur:
“İctimaiyyətdə yaran məlumat boşluğu və yayılan dezinformasiyaların aradan qaldırılması istiqamətində tədbirlər görürük”.
