BAKI, 2 may. TELEQRAF
Növbəti 5 ildə 20-dən çox yeni təyyarənin tədarükü planlaşdırılır.
Teleqraf xəbər verir ki, bunu "Azərbaycan Hava Yolları" QSC-nin (Azal) daxili və xarici kommunikasiyalar şöbəsinin rəhbəri Fərid Hüseynov “İctimai proseslər media müstəvisində” mövzusunda keçirilən ikinci forumun panel müzakirələrində deyib.
"2030-cü ilə qədər aviaşirkət öz donanmasının yenilənməsi üçün 20-dən çox təyyarənin tədarükünü planlaşdırır. Bu təyyarələr daha qənaətcil hesab olunur və bununla dayanıqlı inkişafa töhfə vermiş olacaq", - F. Hüseynov qeyd edib.
O bildirib ki, AZAL ötən il 4 milyondan çox sərnişinə xidmət göstərib.
