Koreya Respublikasının iqtisadiyyat və maliyyə naziri Çxve San-Mok Milli Assambleyada ona qarşı impiçment təklifi ilə bağlı səsverməyə başlamazdan bir neçə dəqiqə əvvəl istefa verib.
Publika.az xəbər verir ki, San-Mok dünən istefa edən baş nazir və müvəqqəti prezident Han Duk-sunun vəzifəsini icra edirdi.
"Ciddi daxili və xarici iqtisadi şərtlər altında vəzifəmi davam etdirə bilmədiyim üçün ictimaiyyətdən üzr istəyirəm", - San-Mok açıqlamasında bildirib.
Mümkün impiçment qərarına görə hazırkı səlahiyyətləri dayandırılacaq olan San-Mok vəzifəsini könüllü tərk edərək belə bir riskdən qaçıb. Onun istefasından sonra maliyyə nazirinin müavini Kim Beom Seok maliyyə naziri və baş nazirin müavini səlahiyyətinə təyin edilib.
