ABŞ prezidenti Donald Tramp Pit Heqseti ABŞ müdafiə naziri (Pentaqon) vəzifəsindən azad etmək fikrində deyil...
Poliqon xəbər verir ki, bunu Fox News-a müsahibəsində ABŞ-ın vitse-prezidenti Cey Di Vens deyib.
"Mən hesab edirəm ki, kabinet əla iş görür, xüsusən də Pit", deyə o, Heqsetin mümkün istefası ilə bağlı suala cavab olaraq bildirib.
Aprelin 26-da NBC News iki məmura istinadən xəbər verib ki, Heqset gözlənilməz addımlar atır və məlumat sızması qalmaqalları arasında işindən getdikcə inamsız görünür.
Bundan əvvəl bildirilmişdi ki, Ağ Ev hazırkı müdafiə naziri Pit Heqsetlə bağlı bir sıra qalmaqallar fonunda Pentaqonun rəhbəri vəzifəsinə namizəd axtarışına başlayıb.
Aprelin 21-də səhər saatlarında ABŞ Müdafiə Nazirliyinin mətbuat xidmətinin keçmiş rəhbəri Conatan Elliot Heqsetin tezliklə vəzifəsini tərk edə biləcəyini bildirib. Onun sözlərinə görə, Amerika hərbi departamenti son bir ayda məxfi məlumatların sızması və kütləvi ixtisarlarla bağlı qalmaqalların səbəb olduğu tam xaos və tam qarışıqlıq içində olub.
Poliqon.info
