Boliviya Amazonunda bir uşaq da daxil olmaqla beş nəfəri daşıyan yüngül təyyarə itkin düşüb və hökumət axtarış-xilasetmə əməliyyatına göstəriş verib.
Publika.az xəbər verir ki, bu barədə Boliviya Prezidenti Luis Arse məlumat verib.
Onun sözlərinə görə, Boliviya hökuməti ölkənin Hərbi Hava Qüvvələri, Fövqəladə Hallara Müştərək Cavab Komandanlığı və Axtarış və Xilasetmə Xidmətinin cəlb olunduğu axtarış-xilasetmə əməliyyatının yerləşdirilməsi barədə göstəriş verib.
Boliviyanın Mülki Aviasiya Baş Müdirliyi təsdiqləyib ki, təyyarə sonuncu dəfə aprelin 30-u çərşənbə günü, günorta saatlarında Trinidad hava limanında hava hərəkəti dispetçerləri ilə əlaqə saxlayıb.
