BAKI, 2 may. TELEQRAF
Boliviya Amazonunda bir uşaq da daxil olmaqla beş nəfəri daşıyan yüngül təyyarə itkin düşüb.
Teleqraf xəbər verir ki, bu barədə Boliviya prezidenti Luis Arse bildirib.
O, axtarış-xilasetmə əməliyyatlarının başlanmasına göstəriş verib.
Boliviyanın Mülki Aviasiya idarəsi məlumatı təsdiqləyib. Belə ki, təyyarə sonuncu dəfə aprelin 30-u, günorta saatlarında Trinidad hava limanında hava hərəkəti dispetçerləri ilə əlaqə saxlayıb.
