“Fiorentina” “Tottenhem”in keçmiş müdafiəçisini yaxından izləyir.
"Operativ Məlumat Mərkəzi-OMM" xarici KİV-ə istinadən xəbər verir ki, İtaliya klubu hazırda "Qalatasaray"da çıxış edən 28 yaşlı Davinson Sançesi transfer etmək niyyətindədir.
Türkiyə klubu kolumbiyalıya 20-25 milyon avro qiymət qoyub.
Qeyd olunur ki, “sarı-qırmızılar” rəhbərliyi müvafiq təklif alacağı təqdirdə əsas müdafiəçini bu yay satmağa hazırdır.
"Transfermarkt" portalında onun bazar dəyəri 19 milyon avro qiymətləndirilir.
Davinson Sançes bu mövsüm "Qalatasaray"ın heyətində bütün turnirlərdə 38 oyuna çıxıb, 5 qol vurub və 2 məhsuldar ötürmə edib.
