Şanlıurfanın Halfeti rayonunda ailə faciəsi yaşanıb. 43 yaşlı Nurəddin D. hələlik məlum olmayan səbəbdən atasını bıçaqlayaraq qətlə yetirib, anasını isə ağır yaralayıb.
“Busaat.az” Ensonhaber-ə istinadən xəbər verir ki, hadisə barədə məlumat daxil olduqdan sonra əraziyə jandarma və təcili tibbi yardım qrupları cəlb olunub. Araşdırmalar nəticəsində 65 yaşlı ata Cuma D.-nin hadisə yerində həyatını itirdiyi müəyyən olunub. Yaralanan ana Reyhan D. isə dərhal xəstəxanaya çatdırılıb.
Şübhəli şəxs Nurəddin D. jandarma əməkdaşları tərəfindən saxlanılıb. Faktla bağlı istintaq aparılır.
Nərmin Səmidova
Busaat.az
