"Tramp deyir ki, iranlılar Kerrini aldadıblar".
Yenisabah.az ISNA-ya istinadla xəbər verir ki, bunu İranın keçmiş XİN rəhbəri Məhəmməd Cavad Zərif bildirib.
O qeyd edib: "Danışıqlar təhdid deyil. Əgər danışıqların təhlükə olduğunu düşünürüksə, ondan uzaqlaşmağa çalışacağıq. Ancaq danışıqlar fürsətə çevrildikdə, özümüzü kifayət qədər güvənli hiss edəcəyik. Məncə, özümüzdə inam tapsaq, danışıqlarda nəsə edə biləcəyimizi hiss etsək, Tramp iranlıların Kerrini aldatdığını deməyə və ya Uitkoffu JCPOA-nın Amerikanın xeyrinə olduğunu deməyə vadar edəcək".
Keçmiş xarici işlər naziri tarixi analogiyalar aparıb: "Bütün İran hökumətləri İranın təhlükəsizliyinə nail olmağa çalışdılar. Birinci İran-Rusiya müharibəsində itirdiklərimizi geri qaytarmaq üçün Qacarlar dövründə ikinci müharibəyə başladıq. Məqsəd İranın milli təhlükəsizliyini təmin etmək və itirilmiş əraziləri qaytarmaq idi. Reallığa əsaslanmadığı üçün nəticədə daha çox ərazi itirdik.
Pəhləvi dövründə də belə idi. Əvvəlcə Rza şahın Osmanlılarla anlaşma cəhdi bir neçə mərhələdə Şəttül-Ərəb, Ararat və Firuzəni itirməsi ilə nəticələndi. II Pəhləvi də eyni səyi göstərdi və əvvəldən atasının itirdiklərini geri qaytarmağa çalışdı, lakin bunu Nikson doktrinası şəklində davam etdirdi. Yəni Nikson doktrinası dövründən Pəhləvi dövrünün sonuna qədər ölkənin ərazi bütövlüyünün bərqərar olması yolu asılılıq yolu ilə əldə olunub. Metod fərqli idi, amma məqsəd eyni idi.
İslam Respublikası yeni üsula İranın milli təhlükəsizliyini təmin etməyə davam edir. İndi Nadir şahdan sonra İranın bir qarış torpağını itirməyən yeganə hökumətik".
Telegram kanalımız
