Bu vandallığı törədənlər ədalət məhkəməsinə çıxarılıb layiq olduqları cəzanı almalıdır.
"Report" xəbər verir ki, bunu Qarabağ müharibə iştirakçısı, Jurnalist Rey Kərimoğlu jurnalistlərə açıqlamasında deyib.
O, bildirib ki, bu hallar müharibə cinayətidir:
"Bu həm də insanlığa sığmayan haldır. Çox təəssüflə qeyd edirəm ki, ermənilərin törətdiyi daha bir cinayət faktının aşkar edildiyi yerdəyik. Xocalı rayonun komitə sədrinin də bildirdiyi kimi burada ilkin olaraq ən azı yeddi nəfərə aid insan qalıqları aşkar edilib. Xüsusilə həmin insan qalıqları qeyri-ənənəvi şəkildə dəfn ediblər. Bundan başqa mülki şəxslərə aid olan qalıqlar üzərində ağır işgəncə izləri də aşkar edilib".
