PSJ-nin cinah hücumçusu Xviça Kvaratsxeliya Çempionlar Liqasının yarımfinal mərhələsinin ilk oyunundan - Londonda "Arsenal" üzərindən dünən qazandıqları qələbədən (1:0) sonra sosial şəbəkə hesablarında paylaşım edib.
Fanat.Az xəbər verir ki, matçın 4-cü dəqiqəsində yeganə qolu vuran Usman Dembelenin fərqlənməsinə məhsuldar ötürmə ilə yardımçı olan gürcü futbolçu fotolarını təqibçiləri ilə bölüşərək belə yazıb:
"Hər addım irəliləməyə imkan yaradır".
Xatırladaq ki, tərəflərin "Park de Prens"dəki cavab qarşılaşması mayın 7-də baş tutacaq.
Nihat
