Misiri güclü külək və tufanla birlikdə "Həmas"in qum fırtınası vurub.
“Report” xəbər verir ki, bu barədə “Egyptian Streets” portalı bildirib.
"Misir "Həmasin" (ərəbcə "əlli") adlı şiddətli toz fırtınasına hazırlaşır. Baş Meteorologiya İdarəsi aprelin 29-dan mayın 4-ü bazar gününə kimi kəskin hava şəraiti proqnozlaşdırıb", - portal bildirib.
Yaxın günlərdə ölkə ərazisində güclü külək, toz və şimşək çaxacağı gözlənilir. Kataklizm ən çox ölkənin şimal-qərb bölgələrinə təsir edəcək.
“Həmasin” toz fırtınası adını bölgənin hər yazda qarışıqlıq yaşadığı 50 günlük müddətdən alır.
