Rusiyanın BMT-dəki daimi nümayəndəsi Vasili Nebenzya dünya təşkilatının baş katibinin müavini Rozmari DiKarlonu Təhlükəsizlik Şurasının Ukrayna ilə bağlı iclasında çıxışına görə tənqid edib...
Poliqon bu barədə TASS agentliyinə istinadən xəbər verir.
Rusiyalı diplomat qeyd edib ki, Moskva BMT Katibliyinin mövqeyindən dərin məyusdur. Beləliklə, BMT Katibliyi dünya təşkilatının nizamnaməsini kobud şəkildə pozaraq, əslində müharibə tərəfini tutur.
Rusiyanın daimi nümayəndəsi vurğulayıb ki, belə mövqe təkcə BMT Katibliyinin Ukrayna ilə bağlı hər hansı qənaətinə deyil, həm də onun rəhbərliyinin münaqişənin sülh yolu ilə həllində konstruktiv rol oynamaq istəyi ilə bağlı bəyanatlarına etimadı sarsıdır.
Qeyd edək ki, aprelin 30-da BMT baş katibinin humanitar məsələlər üzrə köməkçisi Coys Msuya bəyan edib ki, Rusiyanın Ukrayna ilə həmsərhəd bölgələrində mülki əhali və mülki infrastruktur hücumlardan qorunmalıdır.
Daha əvvəl isə Nebenzya Rusiyanın Ukrayna ilə birbaşa danışıqlar aparmağa hazır olduğunu bəyan edib.
Poliqon.info
