Tolik polisə müraciət etdi

Aparıcı-prodüser Tarix Əliyev polisə müraciət edib.

OLAY yazır ki, buna səbəb sosial şəbəkələrdə videosu yayılan 4 gənc olub.  Bu barədə Tolik instaqramda bunları yazıb:

“Hər birimiz gənc olmuşuq, dava-dalaş olub, bəlkə də kimlərləsə dava etmişil . Məktəbdə döyüşmüşük, döyülmüşük. Amma bu günə gəlib çatmışıq ki, bəzi insanlar, bu videoda gördüyünüz kimi, başqalarını təhqir edərək zorakılıq edirlər. Biz hansı dövrdə yaşayırıq? Belə hallar baş verənlər, bunları yayanlar və çəkənlər mütləq cəzalandırılmalıdır. Mən bir daha aidiyyəti orqanlardan xahiş edirəm ki, necə ki, sosial şəbəkələrdə söyüş və narkotik təbliğatına qarşı mübarizə aparırsınız, belə hallar üçün də tədbir görərsiniz . Bu cür insanlar yalnız özləri deyil, ailələri də cəmiyyətə belə tərbiyəsiz uşaqlar böyütdükləri üçün məsuliyyət daşımalıdırlar. İnşallah, tezliklə bu məsələyə hüquqi qiymət veriləcək və aidiyyəti şəxslər cəzalarını alacaq”.